«Қазақстан халқы тілдері күні»
Алаш көсемі, ұлт ұстазы Ахмет Байтұрсынұлының 150 жылдық мерейтойы еліміздің түкпір-түкпірінде кең көлемде аталып өтуде. Мұндай шарадан Нұр-Сұлтан қаласы №1 мектеп-лицейі де тыс қалмады. 09 қыркүйек күні бекітілген жоспар бойынша «5 қыркүйек – «Қазақстан халқы тілдері күні» мерекесінің салтанатты ашылуы болды. Биылғы тілдер күні мерекесі ұлт ұстазының мерейтойына арналды.
«Тіл білімінің атасы» атты апталықтың мақсаты - оқушылардың өлең оқып, ана тілі туралы ән айтуға баулу, тіл туралы мағлұматтармен бөлісу, ғұлама ғалымның шығармаларын кеңінен насихаттау, оқушылардың кітап оқуға деген қызығушылықтарын арттыру. Іс-шараның ашылуы барысында
6 сынып оқушылары Ахмет Байтұрсынұлының өлеңдерін жатқа оқыса, 9 сынып оқушылары репрессия құрбаны болған Ахмет Байтұрсынұлының тағдырынан сахналық көрініс қойып, күй тартып, ән айтып, кештің сәнін келтірді.
Просмотров: 190
Комментарии