«Мектепке жол» республикалық акциясы
Қазақстан Республикасы білім және ғылым Министрлігі елбасымыздың мектеп оқушыларының толық мектепке баруын қамтамасыз ету туралы тапсырмасын орындау барысында осымен бесінші жыл қатарынан «Мектепке жол» республикалық қайырымдылық акциясын өткізуде.
Акция еліміздің барлық аймақтарында 1 тамыздан 30 қыркүйекке дейінгі мерзімде өтеді. Ағымдағы жылы республикалық акция «Қайырымдылық жасауға асығыңыздар!» ұранымен өтеді.
Акция мақсаты – аз қамтылған және көп балалы жанұялар балаларына оқу жылы басталуына дайындалуға көмектесу және балалардың әлеуметтік себептерге байланысты мектепке келмей қалуынан сақтандыру.